อพฺยากโต มชฺฌิโม ธมฺโม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ อพฺยากโต มชฺฌิโม ธมฺโม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํ)ฯ

[61] เหตุยา จตฺตาริ, อารมฺมเณ จตฺตาริ, อวิคเต สตฺตฯ

(สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

ปณีตปทํ

เหตุปจฺจโย

[62] กุสลํ ปณีตํ ธมฺมํ ปฏิจฺจ กุสโล ปณีโต ธมฺโม อุปฺปชฺชติ เหตุปจฺจยาฯ (1)

อพฺยากตํ ปณีตํ ธมฺมํ ปฏิจฺจ อพฺยากโต ปณีโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อวิคเต ทฺเวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

1-14. กุสลตฺติก-มิจฺฉตฺตนิยตตฺติกํ

1-7. ปฏิจฺจวาราทิ

ปจฺจยจตุกฺกํ

[63] อกุสลํ มิจฺฉตฺตนิยตํ ธมฺมํ ปฏิจฺจ อกุสโล มิจฺฉตฺตนิยโต ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ สพฺพตฺถ วิตฺถาโรฯ)

[64] กุสลํ สมฺมตฺตนิยตํ ธมฺมํ ปฏิจฺจ กุสโล สมฺมตฺตนิยโต ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[65] กุสลํ อนิยตํ ธมฺมํ ปฏิจฺจ กุสโล อนิยโต ธมฺโม อุปฺปชฺชติ เหตุปจฺจยาฯ กุสลํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยาฯ

กุสลํ อนิยตํ ธมฺมํ ปฏิจฺจ กุสโล อนิยโต จ อพฺยากโต อนิยโต จ ธมฺมา อุปฺปชฺชนฺติ เหตุปจฺจยาฯ (3)

อกุสลํ อนิยตํ ธมฺมํ ปฏิจฺจ อกุสโล อนิยโต ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยาฯ (1)

กุสลํ อนิยตญฺจ อพฺยากตํ อนิยตญฺจ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยาฯ (1)

อกุสลํ อนิยตญฺจ อพฺยากตํ อนิยตญฺจ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา นว, อารมฺมเณ ตีณิ, อวิคเต นวฯ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[66] กุสโล อนิยโต ธมฺโม กุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อนิยโต ธมฺโม อกุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อนิยโต ธมฺโม อพฺยากตสฺส อนิยตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา สตฺต, อารมฺมเณ นว, อวิคเต เตรสฯ (สํขิตฺตํฯ ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

1-15. กุสลตฺติก-มคฺคารมฺมณตฺติกํ

1-7. ปฏิจฺจวาราทิ

ปจฺจยจตุกฺกํ

[67] กุสลํ มคฺคารมฺมณํ ธมฺมํ ปฏิจฺจ กุสโล มคฺคารมฺมโณ ธมฺโม อุปฺปชฺชติ เหตุปจฺจยาฯ (1)